"GEAD" İB-nin Lənkəran Dövlət Universitetində keçirilən layihəsi

 16 Noyabr 2012-ci il tarixində Azərbaycan Respublikası Gənclər və İdman Nazirliyinin maliyyə dəs­­­­təyi ilə “Gənclərin Elmi Araşdırma­­larına Dəstək” İctimai Birliyi tərəfin­­­­dən hazır­­­­­­­­­­­l­­­­­anan “Ali təhsil alan gənclərin elmi tədqiqatlara istiqamətləndirilməsi və müasir elmi tədqiqat metodları” adlı layi­­­­­­hə Lənkəran Dövlət Universi­­­­tetində gənc tədqiqatçılara təqdim olundu.

Çıxış edən Lənkəran Dövlət Universitetinin prorektoru, dosent Qorxmaz Ağayev “Gənclərin Elmi Araşdırmalarına Dəstək” İctimai Birliyi tərəfindən həyata keçirilən bu layihənin əhəmiyyətini vurğulayaraq, regionlarda yerləşən ali məktəblərin dünyanın aparıcı universitetləri ilə yaxından əlaqə qurmasında bu cür tədbirlərin əhəmiyyətli olduğunu tədbir iştirakçılarının diqqətinə çatdırdı.

Daha sonra təqdim olunan seminar mövzularına xüsusi diqqət cəkən “Gənclərin Elmi Araşdırmalarına Dəstək” İctimai Birliyinin sədri dosent  Məmmədəli Babaşlı öz çıxışında bildirdi ki, bu layihə ölkənin iqtisadi potensialının intellekt kapitalına çevrilməsinə kömək edəcək və gənclərdə elmi tədqiqat işlərinə maraq oyadacaq. Bu mənada, gənclərdə zəruri elmi tədqiqat vərdişləri formalaşacaq, onlarda elmi layihələrdə iştirak etmək üçün stimul formalaşdıracaq. İnanırıq ki, bu layihənin icrası nəticəsində gənclərin elmi tədqiqatlara marağı artacaq və onların müasir elmi tədqiqat metodları ilə bağlı məlumatlandırılması beynəlxalq elmi mühitə inteqrasiya olunmasına köməklik göstərəcək. 

Fəlsəfə üzrə fəlsəfə doktoru Anar Qafarovun “Akademik fəaliyyət, müasir elmi tədqiqat metodları”, Filologiya üzrə fəlsəfə doktoru Ruslan Abdullayevin “Akademik fəaliyyətdə uğur qazanmağın sirləri” və AMEA NKPİ-nin böyük elmi işçisi Babək Quliyevin  “Xaricdə təhsil və tədqiqat imkanları” mövzularındakı təqdimatları tələbələrdə böyük maraq oyandırdı.Təqdimatların sonunda Lənkəran Dövlət Universitetinin tələbələrinin mövzu ilə əlaqədar  sualları müzakirə olundu.

1.www.resurs.az

2.www.diasporxeber.az

3.www.qhtxeber.az 

4.ru.salamnews.org

5.www.teleqraf.az

6.www.newsmeeting.com

7.www.ilk10.az

8.www.muallim.edu.az

9.www.olaylar.az

10.www.mia.az

11.www.megale.net

12.www.science.gov.az

13.www.azertag.gov.az

14.www.respublica-news.az

15.ru.salamnews.org/az

16.www.xeberle.com

17.www.sia.az

18.www.azadinform.az